وجه الإعلامي إسلام الشاطر، انتقادات حادة لقنوات بي إن سبورتس، بعدما أسندت تعليق مباراة الأهلي مع الوداد المغربي، في ذهاب نهائي دوري أبطال أفريقيا، أمس السبت، للمعلق أحمد الطيب.
أخبار متعلقة
وقال «الشاطر»، خلال برنامجه ملعب الشاطر، «قناة بي إن سبورتس بتشوف إزاي تعكنن على المصريين، أحمد الطيب من أفضل المعلقين المتميزين، لكن في نفس الوقت جمهور النادي الأهلي مش عايزه يا آخي ومش عايز يسمعه، عايزين بالعافية تفرضوه على الناس. جمهور الأهلي مابيحبوش، الناس مش عايزاه بتغلسوا عليهم وللا إيه؟».
ومن جانبه، رد «الطيب»، المعروف بـ«زملكاويته» على إسلام الشاطر، في مداخلة ببرنامج «زعلت من حد كنت بحبه، وهو عارف كده كويس من ساعة ما كان بيلعب في الأوليمبي لغاية الأهلي، لكن قال في برنامجه إن بعلق في قناة ضد مصر، طيب هو بيتفرج على قناة ضد مصر ليه، كان فيه أكثر من ماتش بيعلق على الماتش في قنوات تانية، ومع ذلك الكل يعلم تمامًا أد إيه بحترم الأهلي وجمهوره ولاعبيه السابقين الحاليين، لكن هو عمل كده علشان ماجبتش سيرته وأنا بتكلم عن أفضل الباكات اليمين في تاريخ مصر، لكن يعلم الله أن إسلام من الناس اللي بحبها».