السيارة القوية لادا نيفا , مميزات و عيوب

اولا عيوب السياره:
1-سياره رجالى من الدرجة الاولى يعنى متنفعش مع البنات والسيدات
2- عدد ابواب السياره 2 فقط
3- الشنطة صغيره يعنى مع واحد زي حالاتى بحب العدد فى العربيه وبعض قطع الغيار الاساسيه فبتبقى فيها مساحه فاضيه صغيره
4- فى ناس بتقول صوت موتورها خشن ودريكسيونها تقيل ( وده طبعا بيختلف حسب الحاله والصيانه)
5- برضه ناس بتقول مش ثابته على الارض (لها حلول كتير)

المميزات
1- عربيه عاليه عن الارض وبالتالى اي رصيف تحب تجربه مفيش مشاكل 🙂
2- الصاج والعفشه والموتور ماشاء الله
3- قطع الغيار موجوده وبأسعر كويسه جداً جديد واستيراد مع وجود عدد من الصناعات الروسيه والالمانيه والصينه …….الخ
4- عربيه تحمل فيها وميهمكش وسافر زي ما انت عايز
5- عايز تركب تكييف تركب عايز علبة دركسيون باور موجود زجاج كهرباء……. يعنى بتقبل كماليات
6- يتعملك حساب بين الميكروباصات 🙂 ودي ميزه بفلوس كتير
7- فتيس غرز وده ناس كتير شايلاه عشان بيتقل العربيه