قالت السفيرة مشيرة خطاب، مُرشحة مصر لمنصب مدير عام اليونسكو، إن إغلاق المكتبات في مصر، أضرني وأثر بالسلب على الفوز بالمنصب، خلال الانتخابات التي أجريت الجمعة الماضية.
أخبار متعلقة
وقالت «خطاب»، في حوار مع برنامج «هنا العاصمة»، على قناة «CBC»، مساء أمس الاثنين، «إن هناك بعض الإجراءات التي تمت في مصر تتنافي مع سياسات اليونسكو وأثرت بالسلب على عدم فوزنا بالمنصب، (لما ترشح مُرشح للمنصب كل أجهزة الدولة لازم تبقى عارفه اليونسكو بتشتغل إزاي)».
وأضافت: «اغلاق المكتبات مثلا، ولكني صُدمت أنه أمر قضائي، وأنا زورت أحد المكتبات المغلقة ووقتها صوتي كان رايح وحالتي الصحية كان يرثي لها، ولقيت المكتبه فيها كتب محترمة، وصاحب المكتبة جاب شوية إعلاميين يسألوني قولتلهم أنا مش وزيرة الداخلية ولا وزيرة الثقافة، وكل اللي أقدر اعمله ارفع صوتي».
وتابعت: «عملت اتصالات كتيرة جدا، واللي اتصلت بيهم كانوا عايزين يساعدوني ولكن الموضوع قدام القضاء».
وأوضحت: «الشخص اللي حاولت أساعده بدل تقدير اللي عملته، ابتدأ يبتزني كل يوم على تويتر ومتخيل أنها فرصة، مصر مرشحة حد لليونسكو يبقى أنا أخد حقي، أنا ممكن اتعاطف معاه عشان ليه قضية وزعلان من الدولة إنما تطلع جميعات دولية تقول بالإنجليزي (مرشح مصر غير كفء)».
وواصلت: «إغلاق المكتبات أضرني، وكذلك قانون الجمعيات الأهلية».