قال عدلي القيعي، مدير التسويق السابق في النادي الأهلي، إنه من الصعب أن يتنازل نادي مصر المقاصة عن المشاركة في دوري أبطال أفريقيا، للمرة الأولى في تاريخه، لصالح نادي الزمالك، من أجل فتح صفحة جديدة مع الأخير.
أخبار متعلقة
وأضاف «القيعي»، في تصريحات تليفزيونية، اليوم الأربعاء: «صفحة جديدة بين الفريقين إزاي، بإنك تيجي وتاخد الجوهرة بتاعتي، هو إنجاز المقاصة إيه غير إنه أخد المركز الثاني واتأهل لدوري الأبطال، اللي يمكن مايشوفوهوش تاني».
وتابع: «مش هاتبقى الحسابات كده، اللي تشوفه من ساعة المقاصة ما بقى المركز التاني ده اللي تستغربه، أزمة مختلقة لإيهاب جلال علشان يروح الزمالك، بعد كده تيجي خلافات مع إدارة المقاصة فيمشي، وتراجع النادي في المستوى، تحس إنك نزعت الروح من المقاصة».