قال الفنان محمد فؤاد إنه يتمنى فوز منتخب مصر على الكونغو اليوم، والتأهل للمونديال.
أخبار متعلقة
وأضاف «فؤاد»، في مداخلة هاتفية ببرنامج «مع شوبير»: «عمال أدعي وأصلي علشان نروح المونديال، يارب فرّحك يا مصر، البشاير كانت حلوة بتعادل غانا وأوغندا، ربنا لما بيبعت بيقى ناويلنا خير، وبيبان في عيون الناس».
وتابع: «ربنا يفرجها علينا مع الكونغو، وشايف الفرحة قصاد عيني، هارقص في الشارع لو اتأهلنا، وهاعمل اللي انتو عاوزينه».
عاوز أقول للاعيبة كلهم، ولكل الناس تدعي يارب تفرحي يا مصر بكرة، وأضاف: «لو أمامي محمد صلاح، هاقول (أبوس رجلك). ولد طيب ووشه سمح والشباب كلها حلوة ربنا يطرح فيهم البركة ويفرحوا مصر كلها».