وجه عبد الرحمن حميد، حارس مرمى الفريق الأول لكرة اليد رجال بالنادي الأهلي رسالة لزملائه اللاعبين، بعد التتويج ببطولة كأس مصر.
وتُوج الفريق الأول لكرة اليد رجال بالأهلي ببطولة كأس مصر للمرة الثانية على التوالي والثانية عشرة في تاريخه، بعد الفوز على الأوليمبي بنتيجة 36/28، في المباراة التي أقيمت بين الفريقين، مساء اليوم، الخميس، على صالة حسن مصطفى.
وكتب عبد الرحمن حميد عبر حسابه الرسمي على موقع التواصل الاجتماعي فيسبوك: “عايز أقول كلمتين في حق فريقي “الرجالة”.. أولًا أنا فخور بكل واحد فيهم”.
وأضاف: “فخور إن أنا كنت واحد من جيل قدر يدي النادي الأهلي كل حاجة ويرجع هيبة النادي في اللعبة ويتسيد مصر وأفريقيا لسنين كتير ولسه ان شاء الله اللي جاي أحسن”.
وتابع: “كلامي هنا عشان كل واحد في الفرقة بجد مع كل اللي حققناه ده لكن مفيش حد شبع بالعكس احنا حبينا بعض وحبينا المكسب مع بعض أكتر”.
وأكمل: “للعلم، أكتر من نص الفريق عنده إصابات كبيرة وصعبة، لكن كلنا عايزين نفضل نكتب تاريخ في النادي ونحقق أكتر ومحدش خاف على نفسه وقال مش هلعب”.
وأتم عبد الرحمن حميد تصريحاته قائلًا: “عشان كده الحمد لله احنا الفريق الأنجح في أفريقيا وأخيرا ممتن جدا إني حققت البطولة رقم 24 ليا جوة النادي الحمد لله”.
وحسم فريق الأهلي 4 بطولات في الموسم الجاري على صعيد كرة اليد رجال، حيث فاز الفريق ببطولات الدوري، وكأس مصر، وكأس السوبر، وبطولة أفريقيا للأندية أبطال الدوري.